Neil yn Lithwania.

Penwythnos diwetha es i i Filnius yn Lithwania. Pan ro'n i 'na, ymwelais i ag amgueddfa carchar y KGB. Mae'r llun yn dangos cell dirboen. Cafodd ei defnyddio tan 1990. Roedd llawr y gell yn cael ei llenwi gyda dwr oer. Roedd rhaid i chi sefyll (yn noeth) ar y trofwrdd a cheisio cydbwyso. Os fyddech chi’n syrthio, byddech chi’n syrthio i ddwr oer iawn.

Hefyd, ymwelon ni â marchnad (ar gyfer brandi a choffi wrth gwrs), a gwestai (mwy o frandi a choffi - mmm dim coffi’r tro hwn). Aethon ni i dai bwyta i fwyta llawer o fwyd Lithwaneg (tatws)!

Gêm ola' yn Strade - Stori ymweliad Neil

Nos Wener diwetha es i i Barc Y Strade i wylio'r Scarlets yn chwarae eu gem ola ym Mharc Y Strade! Ro'n nhw'n chwarae yn erbyn Bryste yng Nghwpan yr EDF.

Mae'r llun yn dangos cais gyntaf y gêm. (Cafodd y cais ei sgorio gan Morgan Stoddart).
Enillodd y Scarlets 27 - 0 ond doedd y gêm ddim yn bwysig. Hon oedd gêm ola'r Scarlets yn Strade a dyna'r peth mwya pwysig.

Am hanner amser canodd Caryl Parry Jones 'West is Best' i gofio am 'Grav'.

Ar ôl y gem - gorymdeithiodd cyn gapteiniaid y Scarlets o gwmpas Parc Y Strade, canodd Cor Meibion Llanelli a Chor Y Scarlets 'Sosban Fach', 'Hen wlad fy nhadau' ac 'Yma o hyd'.

Cwplodd y noson gyda sioe tan gwyllt.

Priodas mab Gareth

Dyma lun hyfryd o fab Gareth yn ei briodas yn Barbados. Mae Gareth a'i wraig yn y llun hefyd.

Hanes Neil yn mynd i weld "Queen" yng Nghaerdydd

Neithiwr, es i i Gaerdydd i weld 'Queen' (gyda Paul Rodgers o 'Free'). Ro'n nhw'n wych! Ffantastig! Canon nhw pob un o ganeuon 'Queen', a rhai o ganeuon 'Free' (Paul Rodgers oedd y prif ganwr gyda 'Free'). Chwaraeodd Brian May unawd gitar a chwaraeodd Roger Taylor unawd drwm ac wrth gwrs roedd teyrngedau i Freddie Mercury. Ro'n i'n amheus gan taw Paul Rodgers oedd yn canu ond roedd e'n dda iawn.

Penwythnos Elvis

Wel - dyn ni wedi bwcio am y flwyddyn nesa yn barod! Arhoson ni yn y Rhosyn a Choron yn Nottais (ger Porthcawl). Roedd y gwesty'n dda iawn - gyda bwyd gwych!.
Nos Wener, aeth Neil 'y bachgen Teddy' i'r Hi-Tide am noswaith o ddawnsio ac yfed gwin coch! Dych chi'n gallu gweld cwrddodd e â Marylin Monroe!
Bore ddydd Sadwrn - brandi a choffi i ddechrau'r diwrnod am hanner awr wedi deg yn y bore. Ar ol 'na aeth popeth braidd yn niwlog!

Nos Sadwrn yn yr Hi-Tide eto - mwy o win coch ac roedd Neil 'Yr Elvis tew' yn dawnsio eto.

Gwyliau Gareth
Aeth fy ngwraig a fi gyda fy mab a’i gariad e i Barbados ar y trydydd ar hugain o fis Awst am bythefnos. Priododd fy mab a’i gariad e pan o’n ni yno. Aeth diwrnod y briodas yn dda iawn, roedd yr haul yn disgleirio ac roedd y priodfab a'r briodferch yn edrych yn hapus iawn.
Cawson ni amser diflas ar y ffordd ma’s. Cychwynnon ni ar ein taith ni o Gatwick hanner awr yn hwyr. Ar ôl i ni fod yn yr awyr am hanner awr, gwnaeth yr awyren sŵn ofnadwy. Nesa’, clywon ni’r peilot yn siarad a dwedodd e fod rhaid iddo fe droi yn ôl i Gatwick. Cawson ni ddeg awr o oedi yn aros am awyren arall i ddod o Heathrow.
Hanner awr ar ôl eistedd lawr ar yr awyren newydd, penderfynodd un teithiwr, dyn o’r enw Mohammed, doedd e ddim eisiau teithio. Felly, roedd rhaid iddyn nhw ffeindio ei fagiau e a gadawodd e’r awyren.
Tamaid bach o ddrama ar ddechrau fy ngwyliau i....... !!!!!

Gwyliau Mike yn Florida - 2008.
Ar 4 Gorffennaf aethon ni i Florida am wyliau - fy ngwraig, Wendy, fy nau fab, Dean a Warren, fy merch yng nghyfraith, Sue a fy nwy wyres, Elli a Lewis. Mae Elli yn ddwy oed ac mae Lewis yn flwydd oed.
Cyrhaeddon ni’r Unol Daleithiau ar Ddiwrnod Annibyniaeth. Roedd llawer o ddathlu. Arhosodd Dean, Suzy a’r plant yng Ngwesty’r Dolphin yn Disney.
Arhoson ni mewn condominiwm yn “Cain Island”, yn Kissimmee, ar ffordd 192.
Cawson ni broblemau - roedd y tywydd yn llaith, roedd y tymheredd yn naw deg, ac ar ôl wyth awr ar awyren doedd dim dwr twym yn y condo. Doedd pethau ddim yn dda!
Cwynais i ar y diwrnod nesaf a cawson ni gondominiwm newydd.
Arhoson ni yn Florida am bythefnos. Aethon ni i lawer o barciau Disney – Animal Kingdom, Epcot, Magic Kingdom, Kennedy Space Centre, a phob dydd cawson ni Crispy Cream Doughnuts!
Fy ymweliad i Ganolfan Gofod Kennedy oedd fy ffefryn. Aethon ni ‘na ddwywaith. Hoffwn i fynd eto yn y dyfodol. Mae gofodwyr yn ddewr iawn a chafodd llawer o ofodwyr eu lladd mewn damweiniau.
Cwrddodd Elli a Lewis ag Alice in Wonderland, y Mad Hatter, Tigger ac eraill yn y parciau. Mae Lewis yn ifanc iawn, a thorrodd e ddau ddant newydd ar ei wyliau.
Cawson ni wyliau hapus a hoffwn i fynd i Florida eto.

Neithiwr aeth Gareth a Neil i'r ty bwyta Gurkha newydd yn Stryd Murray yn Llanelli. Roedd y bwyd yn flasus iawn! (a'r gwin coch wrth gwrs). Roedd y noson ar gyfer codi arain i Gôr Meibion Llanelli. Ar ol y bwyd - dawnsiodd merched ifanc o Nepal a dyma nhw!

Wyr newydd Neil.

Dyma fy wyr newydd Daniel. Dw i'n meddwl bydd e'n chwarae rygbi dros Gymru cyn bo hir! Wythnos diwetha oedd y tro cyntaf i fi ei weld e ers iddo fe gael ei eni. Mae e'n bedwar mis oed nawr. Mae fy nwy wyres Charlotte a Sophie a fy nghyn wraig yn eistedd gyda fi hefyd. Maen nhw'n byw yng Nghaint. Arhosais i yng Nghaint fel gallwn i ymweld â'r wyl gwrw yn Earls Court. Hefyd, es i i Hastings (ble maen nhw'n ffilmio Rhyfel Foyle) i gael pysgod a sglodion. Mae 'na siop 'sgod a 'sglod gwych yn Hastings yn agos i'r cytiau pysgota dan y clogwyni.

Penwythnos diwetha roedd 'Cwrdd â'ch Llynges' yn Nociau Hanesyddol Portsmouth. Aeth Neil gyda'i ffrindiau i weld y llongau a chwrdd â'r dynion.

Roedd llawer o ddramau hanesyddol o gwmpas y dociau ac er roedd Neil yn y llynges am amser hir so fe'n cofio bod dynion y llynges yn edrych fel hyn!

Parti arall!

Dathlodd dosbarth Altalia ddiwedd y tymor gyda pryd o fwyd hyfryd. Fel y gwelwch, cafodd pawb noson o hwyl a dim ond un gwydraid o win coch yfodd Neil - ond dylech chi weld maint y gwydr!

Neithiwr aeth Neil i weld Neil Diamond yn Stadiwm y Millennium, Caerdydd. Am gyngerdd!! Roedd Neil Diamond yn wych! Canodd e bob un o'i hen ganeuon ydyn ni'n eu gwybod a'u caru.

Dyma Neil yn derbyn ei fedal 'Pingat Jasa Malaysia' ar gyfer ei wasanaethau yn Malaysia yng Ngwrthdaro Malaysia yn 1965/6.

Roedd y seremoni yng Nghasnewydd mis diwetha.

O Gibraltar. Neil gyda'i ffrindiau. Nage! Nage! Dim gwin coch eto! Mae e wedi cael digon yn barod!

Ddydd Sul es i i Aberystwyth gyda fy mab a fy wyron i edrych ar Llanelli yn chwarae yn erbyn Rhyl yn rownd cynderfynol Cwpan Cymru (pêl-droed wrth gwrs).

Chwaraeodd Llanelli yn dda iawn a threchon nhw Rhyl 5 - 2.

Dyma lun y bedwaredd gôl, gôl gosb!

Cawson ni ddiwrnod gwych!

Pasg gartre gyda Neil. Dyma teulu Neil. Mab (rhif dau), ei wyres, hen ŵyr a'i ddau ŵyr.

Mae Neil gyda’i ffrindiau yn y gwesty yn Riga (Latfia). Mae'r ffrind gyda'r het wrth Fwrdd y Capten ar gyfer cael cosb y Capten. (Mae hi’n stori hir - gadawodd e gath y llong yn ystod 'Dolig a'r Flwyddyn Newydd). Derbyniodd e 'ataliaeth o rwm'. Ar ol Bwrdd y Capten aethon ni am 'amser tot' - heblaw fy ffrind Les wrth gwrs. Wylodd e!

Ymweliadau Neil â Theatr Y Grand, Abertawe.
Nos Fercher diwetha, es i i weld grwpiau o’r chwedegau yn y Grand, Abertawe. Y grwp cyntaf oedd Marmaled, canon nhw Ob-la-di, Ob-la-da wrth gwrs. Nesa, y “Fortunes” - ydych chi'n cofio’r “Fortunes”? Canon nhw 'Coke - y peth go iawn!'. Canon nhw hefyd 'Mae eich drygau ‘da chi' ac 'Ewch nawr'. Canodd y “Barron Knights” hefyd. Y grwp diwetha i ganu oedd Y Tremeloes. (Gwelais i Brian Poole a’r Tremeloes yn 1963 yn yr Hippodrome, Birmingham gyda - Roy Orbison!). Canodd Y Tremeloes 'Trowch a gweiddwch' ac 'Ydych chi'n fy ngharu i?' wrth gwrs. Roedd hi’n noson enfawr. Wrth gwrs dw i'n rhy ifanc i gofio’r grwpiau neu’r caneuon!

Yna, neithiwr, es i i'r Grand, Abertawe eto. Tro 'ma, es i i weld Jethro, y digrifwr. Es i gyda fy mrawd yng nghyfraith. Cawson ni amser da iawn. Roedd e'n ddoniol iawn.

Nos Galan - Neil a'i ffrindiau wedi yfed gormod o win coch eto ac yn ceisio canu!

Mae Neil wedi bod bant yn joio unwaith eto - dyma fe ar ddydd Nadolig yn Lanzarote!